[2004-11-09] 國泰薑汁撞奶飛天饗客
以前搭飛機坐經濟客位，甜品來來去去都係只得雪糕或者布丁，不過剗家嘅款式真係多咗，就連薑汁撞奶都有得食。
月產15萬盒
呢道菜其實來頭不小，皆因係國泰「機艙服務員中華廚藝烹飪大賽」嘅全場總冠軍菜式。
唔好以為將薑汁同牛奶撞撞𣈳就搞掂，其實一搵都唔易整，中餐發展及餐務傳訊經理鍾偉亮話，奶嘅溫度必須保持攝氏77度，太熱太凍都唔得。
由於技術難掌握，所以之前只係頭等乘客先至享用到。公司話，因為大受歡迎，所以將甜品交由百福大量生產，月產15萬盒，不過就只係供應予部分航線嘅經濟客位乘客，市面上就冇得賣嘅。
聽鍾偉亮講，今次係公司首次有餐牌上嘅食物作咁大規模生產，記得佢以前講過公司大量採購海參而令市價飆升，唔知今次會唔會因為整咁多薑汁撞奶而令薑價上漲呢？
|
