[2004-12-16] 東亞員工今年肯定過肥年 放大圖片
年尾時分除打工仔期盼明年加薪外，各大公司都要諗一諗點向股東交張好好睇睇的成績表。三笑八到向來負責打頭炮發成績表的東亞銀行，將會趕緊在猴年結束前公布業績。做乜要咁急？可能因為東亞的員工花紅是與業績掛漖，銀行想俾員工開開心心過個「肥雞年」。
眾券商紛唱好業績
東亞上半年業績只是「麻麻」，記得老闆寶哥哥在中期業績會上都曾經不諱言話唔滿意業績。不過近日一眾證券行見完東亞管理層後，紛紛唱好東亞，又話東亞會派高息，又話東亞前景可觀……眾說紛紜下可以肯定匯係，東亞銀行今年業績表現應該唔會差得去邊。
東亞銀行一向是各上市公司業績的「春江鴨」。東亞成績好，銀行界成績唔會差；銀行成績好，香港經濟都唔會太差。雖然有銀行大班同分析員都話，香港明年經濟會唔及今年，但眼見各大行對東亞的「唱好」報告，再加上寶哥哥早前一句話:東亞明年很大機會加人工，唔單止令東亞員工心花怒放，就連一眾香港打工仔都覺得「明天會更好」。
|
放大圖片
