[2004-12-19] 獲家人支持 嬌姐最心甜

放大圖片

　趁假期與兒子旅遊。

　不少政治人由於「�魒迭v政壇，談起家庭總會語帶歉疚，承認對家人有所虧欠。但同樣在議員工作堆中打轉的「嬌姐」，卻一臉甜絲絲地大談家人對她的支持，在嬌姐的時間表中，家庭與工作總是安排得妥妥當當。

兒子以母親公職為傲

　「我個仔對我工作支唔支持？佢好支持我�飽I」她笑說：「我尋日接佢放學，佢一見到我就同隔離個同學仔講：『我媽咪呀，黃碧嬌區議員呀！你識唔識呀？』我都同佢講咁樣唔係太好喎。」

　雖然口裡說兒子令她尷尬，但眼見兒子認同自己的工作，更以媽媽服務社群的公職為傲，嘴角微翹的嬌姐，難掩心中喜悅：「咁又係好開心匯！」

　在政壇與家庭之間遊刃有餘的嬌姐，與家庭相聚的時間也會安排在時間表內，「仔仔讀3年班，我逢星期一同星期三晚都同佢溫書，星期六都盡量安排親子活動，有時星期日有社區活動都會帶埋佢去！」嬌姐笑說可能日子有功，每逢周末兒子也會主動為她作出分析，「呢個活動有邊個出席呀？你駛唔駛主禮呀？佢問清楚晒，自己就知可唔可以一齊去！」

　「虎父無犬子」同樣可以形容嬌姐與愛兒的關係，嬌姐表示兒子雖然較內向，「自己�陲峊囓握E方輸入法已經好開心」，但當別人需要援手之際，他總是義不容辭。「佢個老師話我知，早排有個小朋友唔識功課，問邊個肯教佢，班裡面只得一個人舉手，就係我個仔！」兒子盡得樂於助人的「真傳」，嬌姐當然笑得開懷，但她也揭露一段為兒子「減磅」的小插曲，「我問佢點解唔放小息都肯教同學仔功課，點知佢乘機話：『梗係啦！同學仔放小息可以食零食，媽咪你都唔畀定搵零食我，我小息咪淨係專心教人囉!』」雖然兒子「打蛇隨棍上」，但嬌姐為了兒子的健康，始終要他與零食絕緣。

丈夫與奶奶也有功勞

　談起家中的「活寶貝」，嬌姐與別的母親沒有兩樣，總是喜形於色，有談不完的趣聞，但言談間她也不忘記丈夫及奶奶一功，得到全家總動員支持，難怪嬌姐在工作堆中依然笑盈盈。