 放大圖片
梁朝偉作息安排正常，覺得生活好充實。
【本報訊】（記者 梁靜儀）梁朝偉主演的《韓城攻略》將於賀歲檔期上映，昨日偉仔出席影片宣傳訪問，訪問在中午十二時開始，偉仔不單準時出席，更顯得精神奕奕。偉仔還指十二點也不是很早，平日自己早上六點幾已起床。
和嘉玲習慣不同
偉仔自言平日早睡早起，不愛日夜顛倒的生活及「夜蒲」，不過為搵食拍戲才無辦法。但他的女友劉嘉玲卻愛「夜蒲」，兩人的生活習慣豈不是不同?偉仔指每人的生活習慣都不同，但他就覺得早起好充實，可以打波及學詠春，傍晚六點吃過晚飯，再睇影碟便睡覺，若日上三竿才起床，食第一餐飯都已天黑。
說回拍《韓城攻略》，偉仔不諱言再演同一角色不用花太多時間去揣摩，並覺得《韓》片跟007占士邦系列電影相似，偉仔說:「只不過人家製作費多，特技多，人家撞保時捷，我們撞Toyota，其實我們跟人家都差不多。」
「打戲」力不從心
曾說過不再拍動作片的偉仔，今次再拍動作戲，他指最辛苦是在熱水中與任賢齊對打那場戲，尤其是見到小齊雙腳浸完熱水似足「白灼蝦」。問到他覺得自己與小齊相比，哪個較好打?偉仔笑稱大家都麻麻，當然不及成龍大哥般好打。由於今次拍戲期間，他還要兼顧《2046》的宣傳，所以沒有足夠時間作準備，所以有時打起來也力不從心。再度與小齊合作，偉仔指小齊很好人，也想再合作。對於導演有意拍《非州攻略》，偉仔笑謂拍至算，但他很怕打針。
對自己能力夠自信
金紫荊獎日前公佈入圍名單，獲提名最佳男主角的有演《2046》的梁朝偉、《天下無賊》的劉德華、《功夫》的周星馳及《新警察故事》的成龍，問到偉仔睇好哪個?偉仔坦言除了劉德華的《天下無賊》沒有睇過外，其他的影片都有睇過，個個都幾好。剛巧一直以來都傳偉仔與華仔不和，如今偉仔又獨無捧華仔場，難道不和謠言屬實?問到偉仔可會睇好自己得獎?偉仔一臉自信的說：「我唔會懷疑自己的能力，因為這不是睇臨場表現。」
婉拒「上海女人」
稍後王家衛將會開拍《來自上海的女人》，偉仔作為王導演的御用演員，今次可會演出?偉仔笑稱:「唔駛我，因為我要放假，同埋五、六月《2046》在美國上映，我要去做宣傳及順道見當地的Agent，接著七、八月又要拍劉偉強新片。」
|
放大圖片
