|
【本報訊】早年有神童輝之稱的羅兆輝曾坐擁億元商業王國，一場金融風暴後即時瓦解，更在2000年走上燒炭自殺絕路，當時幸得本地富豪大劉和彤叔等出手相救，經此一役絕𤂌香港轉戰澳門，但近日 在澳門新世紀酒店房內懷疑販毒被捕，也迫使香港一眾富豪堅決與他劃清界線。新世界兼周大福老闆鄭裕彤(彤叔)也不願與他扯上關係，昨日在萬邦投資股東會上在傳媒面前說：「我近幾年冇見過佢。」
猶記得於02年羅兆輝大爆富豪與娛樂圈女星的性史秘聞，弄得神憎鬼厭，市場當時傳出大劉和彤叔決定幫佢最後一次，畀錢幫佢重新做人。不過，羅兆輝再次令幫佢的人失望。彤叔昨日被問到羅兆輝時，就話「邊個羅兆輝？」
在場的記者再提醒彤叔話，「你以前個老友呢？」彤叔就話，「我個個都老友!」「希望佢快快趣趣冇事，搣甩佢啦。」「我幾年前已經勸過佢。」講起羅兆輝在年關前出事，希望不會影響彤叔過年的心情。
本報記者 何麗琪
|
