[2005-02-24] 沈聯濤九月離港去教書

放大圖片

　今次是沈聯濤最後一次以證監主席身份主持傳媒春茗。證監春茗頭獎獎品是沈聯濤親筆簽名的未寫著作，圖為沈聯濤簽名的新書期票。

　證監會年年都無搞春茗，今年就第一次請�鰲X十位傳媒好友，齊齊玩遊戲飲紅酒擦番餐。證監第一次春茗，亦係沈聯濤最後一次以證監主席身份和傳媒新春聯歡，皆因沈主席已講到明係九月離任，唔再做證監會主席。三笑趁酒酣耳熱之際，試探佢人生另一階段去向。沈主席好爽快咁話，九月離任證監會主席後，就會離開香港，去一間大學教書兼埋首寫書。教授科目當然是老本行：金融，寫的亦是有理論有實戰的亞洲金融風暴。

贈親筆簽名著作期票

　沈聯濤話，寫書前要做些研究，所以要去大學找資料，有些內容還要得到有關當局同意，才能下筆。金融風暴肆虐亞洲時，沈聯濤正在前線，肯定有唔少一手資料，本書重會有個人感受，好多人都想一睹為快。證監春茗抽獎獎品，便用這本仍未出版，仍未開筆，但有沈主席白紙黑字，答允送贈親筆簽名的著作作為頭獎，頭獎名額只有三個。得獎人在席上獲得有沈聯濤簽名的期票證書一張。可惜沈主席無法保證簽名名額有限，否則成張期票可以去市場當期貨賣，賺番些。

今年有盈餘即宴傳媒

　至於今年證監點解會破費搞春茗，聽講係今年財政比較鬆動，有些盈餘，故可以擺番幾圍和新聞界聯誼。事實上，去年股市好景，成交額更加係破埋97年高峰期的紀錄。港交所豬籠入水之餘，水漲船高，證監會印花稅收入亦大增，因此今年可以有經費和傳媒聚聚餐。

　證監一向知慳識儉，但當今時勢，輿情重要，和傳媒多作溝通，這筆錢看來還是要花的。