[2005-04-22] 艾大班為接任人謀福利

放大圖片

　恆生銀行舉行股東會，董事長艾爾敦為最後一次主持。

．張三笑．

　艾大班輕輕鬆鬆離開恆生，昨日是艾爾敦最後一次主持恆生銀行股東周年大會(AGM)，所以吸引唔少傳媒朋友到場支持。艾大班甫到場已滿面笑容，即使明知沒有時間於會前回答傳媒提問，仍然樂意駐足下來向傳媒朋友解釋，話會後一定答記者問題。

提議案來任董事長加人工

　雖然退任在即，但艾大班仍為接任人謀福利。艾大班擔任恆生非執行主席7年，但該職位10年都無加過人工，維持每年13.5萬元，所以艾大班當然未�陲磳芧褸L加人工甜頭。不過，佢昨日提出議案，來任董事長將加人工四成八至每年20萬大元，其他董事局成員都獲「大幅」加薪，但每年加薪幅度最大亦不超過6.5萬元。

「兼職」總商會主席感興趣

　艾大班可能見退休在即，所以佢除�鷒黹h休後會留在香港外，終於肯向記者透露點點玄機。佢爽快承認有興趣出任香港總商會主席，又話若果下周總商會會議通過，佢會出任呢份「兼職」。至於會否全身重投江湖，佢話要賣關子。

　出任高職咁耐，艾大班教路，話作為高層不可停留在一個崗位太耐，並要不斷向前。佢回憶加入匯豐時，自己帶入了不少新思維，但持續留在一個職位太耐，只會不斷重複舊思維、舊意念，所以鼓勵人應該不斷向前。

鼓勵不斷向前尋找新思維

　講番昨日的AGM，唔知係咪恆生上年派予小股東的禮餅盒實在太精美，三笑昨日看見到場小股東人數比上年差唔多增長一倍，由300幾人加到500幾人。恆生當然不負眾望，今年雖然又係派禮餅盒，但恆生今年以印有「清明上河圖」的木盒載滿禮餅，公關大員話，今次食晒搵餅都仲可以留起個盒用。