[2005-05-03] 深高速 杜絕擦鞋文化

放大圖片

　陳潮是深高速創辦人之一，他相信退任後，這個「孩子」仍可茁壯成長。

　深高速為加強長江後浪推前浪的理念，幾年前訂出董事長任期不得超過三屆，剛退任的陳潮對三笑講，咁樣做「一些員工就不用擦甚麼鞋，搞甚麼關係，因為董事長不可能是終生老闆，亦不知道由誰來接任，讓優秀員工有用武之地」。

　深高速創辦人之一的陳潮話，雖然佢依家已交棒，對公司仍然掛心「大事情，我不擔心；但小事情則有牽掛，就猶如父母親養孩子一樣，對孩子很喜歡，但孩子沒可能十全十美」，希望這個「孩子」茁壯成長。

　當陳潮仍係深高速董事長時，佢一人身兼三職，又係母公司深圳國際總裁及內地上市的南坡董事長，佢話有時都難以兼顧。佢閒來都鍾意打golf，但就不愛計算杆數，「平常工作上都有許多目標，為何休閒玩玩的時候也要計杆？」三笑領悟到佢呢番話，就係讀書時讀書，遊戲時遊戲，要玩的時候就盡情去玩，咁先可以減壓。