[2005-05-26] 鄭大班自喻遇到白馬王子 放大圖片
鄭大班話，重返匯豐總行34樓上班，憑窗遠眺，過去清晰可見既獅子山卻因空氣污染而未能看見。
．張三笑．
匯豐、恆生的高層大執位行動昨日作最後衝刺，因為鄭海泉及柯清輝正式就位後，分別擔任匯豐銀行主席及恆生銀行副董事長兼行政總裁，兩行之間的「換人」大計正式完成。兩位大班昨日亦約埋一班傳媒朋友講講感受，三笑當然去湊湊熱鬧。
重返娘家 維港景已變
對於離巢七年，重返娘家既鄭海泉來講，重返匯豐「人面」未知係咪全非，但「景物」一定唔係依舊。鄭大班話，而家工作間於匯豐總行34樓，與昔日調任恆生前的工作間屬於同一層，但憑窗遠望維港景致時發覺景物已經改變。
佢話當年仍未有國際金融中心及AIG大樓，富麗華酒店現在亦已拆卸，過去清晰可見既獅子山噙日卻因空氣污染而未能看見，佢慨嘆香港作為國際金融中心，要吸引金融人才來港居住，應該改善污染的問題，效法其他國際城市，更好地利用香港既海港。
吸引人才 需改善環境
講到心情，心花怒放既鄭海泉直情覺得重返匯豐就好似遇到白馬王子一樣。鄭海泉七年前調任恆生時曾以灰姑娘來形容自己，所以現在重返匯豐就好像灰姑娘遇到白馬王子。
不過，昨日正式過檔恆生既柯清輝就唔覺得自己係灰姑娘。柯清輝昨日率領其餘七位管理層到總行大門，向傳媒展示高舉緊緊相牽著的手，似乎決心要有個新開始。柯清輝話，自己已加入恆生董事局五年，常常與恆生的同事飯聚，所以沒有當灰姑娘的感覺。
恆生名響 柯大班自豪
大情大性既柯清輝話，自己向來既係匯豐客戶，又係恆生客戶，如果唔係點可以比較到邊間銀行好搵。柯生話匯豐較國際化，恆生較本地化，雙方視野唔同，又話走入恆生分行會令人體會到熱誠的待客態度，賓至如歸，呢個係恆生賴以成功既地方。至於恆生令佢自豪既可能係佢所講「効廣東話既地區，恆生個『朵』比較響」。
|
放大圖片
