[2005-05-30] 鄭海泉做環保組織發言人 放大圖片
鄭海泉身體力行維護海港環境。
上星期三匯豐銀行大班鄭海泉正式上班當日，三笑有去探一探佢班，仲記得當日鄭大班慨嘆八年之後重返舊地，覺得眼前維港景色已今非昔比。原來鄭大班唔止得個講字，而且仲身體力行維護海港。
超過100家具領導地位既香港商界企業攜手成立一個新聯盟組織，推動香港海港優化發展。匯豐銀行鄭大班更會擔任呢個新組織既發言人，向公眾介紹推動香港海港優化發展目標計劃。
逾百大企業攜手護維港
三笑問過呢個新組織既背景，但有關方面話而家希望保持神秘，唔肯講各大參與「猛企」既名單。不過，憑呢個組織贊助委員會主席兼商界環保協會主席龍安德既另一重身份——匯豐銀行常務總裁，加上組織成立當日的新聞發布會効匯豐總行舉行，相信匯豐今次定必是出錢又出力。
匯豐近年非常重視環保，近年推出的環保計劃包括「營商新動力」計劃，鼓勵中小企以環保手法營商、集團訂下的「赤道原則」，重點保護森林，若客戶從事開採或開礦，嚴重破壞環境生態，便不獲該行放貸。匯控旗下更有環保小組，由集團行政總裁葛霖主責管理環保問題。
|
放大圖片
