[2005-06-02] 施永青：挺曾要先看政綱

放大圖片

　施永青(左)話，我將來挺曾也不出奇，但要睇��(政綱)先。

．張三笑．

　中原地產主席施永青昨日被人問佢挺唔挺曾時，施永青居然說：「依家講『挺曾』的人都是不負責任的，未選就已經當佢係特首，又唔知這消息從哪裡來，連佢的政綱都未見到，我個人會好認真去看待這種事，即使係假戲都要真做啦!到依家都唔知佢的政綱係乜，要我在政治上表態，起碼都要知政治理念、路線方向、政綱等，如果唔係叫我點挺，『我挺你乜喎!』」

　不過，施永青還是補充一句，「我將來挺曾不出奇，但都要睇�驉]政綱)先，就算報紙都有獨立的立場。」

「我份報紙有獨立立場」

　施永青還說，民主派真係冇志氣，怎可以話係自己陪跑，做得政治人物一定要有自己的政治信念同理念，依家佢地做到咁低層次，搵誰來支持佢？

　接觸過施永青的人，都知道佢係一個講政治理念的人，講起佢籌備緊的那份報紙，施永青同樣有其獨特見解。施永青說：「我份報紙會有獨立的立場。不過我唔需要靠自己辦報去表達自己意見，報紙係一個商機，不是有政治目的去做，作為一個商人係唔會做蝕本生意的。」

　原來在一個地產人眼中，除了樓可以賺錢外，報紙都可以賺到錢的。講起這盤有機會賺錢的生意，施永青笑笑口說：「第四季會見到第一份報紙，初步會投資5,000萬元，希望可以在1年內做到收支平衡，起首發行量大概10萬左右，慢慢做大到30萬份。如果一年後仍然蝕緊錢但報紙個勢係好，就會再投資多5000萬，燒晒這1億，我就會堅決離場唔玩落去!」

「燒晒1億就堅決離場」

　坊間還有人將施永青同蘋果的黎智英比，重話十年前係黎智英，十年後就係施永青。施永青聽到即刻有反應，「這些是毫無基礎去講的，這份報紙係嘗試，有贏的機會，我不是去澳門買大細，贏的意思係有六成至七成機會賺錢。」

同事熱烈支持利記上市

　除�鰼N出世的「報紙」，由施永青出手救返生的利嘉閣地產，由買入一刻開始計，兩年多來為施永青賺了不少錢，利嘉閣還公布會在6月底發特別花紅，總數達600萬元，總共有182個同事有份分這筆錢。施永青還補充透露，「利嘉閣的同事好想將公司上市，熱烈程度比我還厲害。但利嘉閣上市都要等有3年盈利紀錄至得，明年應該可以了。今年俾利嘉閣的目標係分行年底有約180間，而代理人數則增至約2,000人。」