[2005-06-10] 煲呔箍工程界選票

　曾蔭權親自出馬會見工程界選委，背後有一段故事。據工程界選委透露，事緣早前業界已準備由何鍾泰議員等為曾蔭權聯絡業內的選委。但半路卻殺出一個程咬金－97前擔任過工務司的詹伯樂，詹誓要做曾生的代表，仲廣發通知，要各選委簽提名信。點知選委們反應麻麻，最後還是勞動到曾蔭權親自出馬箍票。

　距離提名截止還剩一周，即使流失10多20票，此刻都可能令競爭對手翻生，所以對這件事，曾先生不心急就假。有選委表示，其實他都唔明白，曾蔭權點解咁相信詹伯樂，直情當詹係「盲公竹」。而詹的為人又相當高調，前一陣已經周圍同人宣揚，將自己形容為曾蔭權的高級近身幕僚兼智囊，仲經常坐在煲呔身邊出謀獻策，就連寫政綱咁重要的事，當勞都有預埋他一份。不過，據稱詹的言行已經令到一些選委覺得不快。加上詹在工程界又無班底，所以遲遲都交唔齊貨囉。 　記者 蕭潘