[2005-07-05] 3香港好戲連場任你睇 放大圖片
3香港推出的「3好戲連場」率先播放電影《七劍》，分成21集播出。
諗唔到3G服務發展咁迅速，唔單止可以上網睇音樂MTV、新聞等，依家仲可以搶先睇即將上畫既電影。邊間網絡公司咁快推出呢個服務，當然係李超人旗下既3香港。聽講3推出呢個「3好戲連場」係全球首個流動電影院，顧客只須要透過3「電影頻道」，就可以隨時隨地欣賞電影，今次「3好戲連場」仲率先播放暑期電影巨獻－徐克《七劍》。不過，要分成21集嚟睇，咁真係有排睇！
網絡尋寶劍送戲飛
除了睇戲，原來仲有網絡遊戲玩，個遊戲係《七劍迷蹤》尋寶遊戲，3G客戶効「遊戲地帶」頻道下載遊戲，啟動後就可以透過3G定位技術，按照「尋找寶劍」提示，於香港人氣熱點替《七劍》的劍主搜尋寶劍，客戶更可以交朋友、互通消息及交換寶劍，如果成為「七劍快捕手」，仲可獲《七劍》首映戲飛兩張，又有戲睇，又有網絡遊戲玩，完全彻年青人口味，睇嚟3香港已經視年青人為目標客戶。
|
放大圖片
