[2005-08-04] 利亞換麥嘜生意達1.8億

放大圖片

　香港OK便利店係4月中至6月，推出�鷙坁姿�20元，免費換26個英字母為主題既麥嘜襟襟章的推廣活動(見圖)，原本計劃只是預備了500萬個麥嘜襟章，但點知反應非常踴躍，出乎意外地總共換��900萬個麥嘜襟章。唔怪得利亞行政總裁楊立彬話要食住條水去，繼續推出類似的活動，但就點都唔肯講下期可以換乜禮物，淨係一味話係「正野」，搞到三笑心思思。

楊生話重要食住條水

　三笑計過�w，消費20元換一個麥嘜襟章，900萬個襟章，即係等於1.8億元生意，而利亞上半年營業額先至係5億多少少，唔怪得楊生話要食住條水去。

　有老友同三笑講，26款襟章上的圖案是麥嘜原創者麥家碧特別設計，個別字母代表的字有特別意思，像S是帶睡帽的麥嘜，代表sleep。另外，又有4款神秘「隱藏版」的圖案襟章。所以，早前推出時，引起麥嘜迷搶購。

　三笑又聽購，現時一些拍賣網上已有人競投這些「免費」襟章，特別是部分英文字母如「Z」的生產數量較少；另設有四個神秘圖案，預期最終只有約兩萬套「完成品」，底價介乎4至10元，交投不俗。