[2005-08-04] 港聯首航 廣州之謎

放大圖片

　港聯航空昨日正式開幕，選擇了廣州為公司的首航地點，相信令唔少人感到費解。皆因紅磡乘直通火車到廣州只需約2個小時，乘飛機到廣州卻要大費周章，起飛前個半小時要辦登機手續，又要長途拔涉到機場，究竟商機何在？

瞄準國際轉機客

　原來港聯瞄準的其實是國際轉機客，港聯CEO Andrew謝(見圖)話，外國旅客人地生疏，千里迢迢來到香港，實在冇理由要旅客由機場轉乘火車或旅遊巴到廣州，經研究後發覺有一定商機，所以就決定開辦廣州線服務。因為飛機只為76座，所以要載滿旅客亦相對容易。

轉型號有大學問

　至於選用新型號的EMBRAER 170客機而唔用較普遍的龐巴迪，Andrew謝話，其中一個原因係這款70座位的支線飛機擁有雙機門設計，讓乘客可同時於機頭及機尾上落，加快上落客時間的同時，亦縮短飛機的停留時間，降低機場費用的開支，亦可提高飛機的周轉量，以減省成本。對於時間就是金錢的航空業而言，原來細緻至單門或是雙門都重要。