[2005-08-09] 中企管治 要發奮趕上
三笑之前同浸大工管院長何順文食飯，與這位公司管治專講起民企爆煲事件。何教授話，格林柯爾、中航油等事件好明顯見到，中國企業的公司管治水平始終同國際水平差一大截，睇怕要追十年先追到。
好彩香港都爭氣
三笑講開先記起，早排有份外國雜誌做既調查就發現，在亞洲地區之中，中國企業的公司管治水平居然排尾二，差過東南亞等新興市場，只係僅僅好過包尾的印尼，認真肉酸。好彩香港都爭氣，年年都排頭一或二位，新地、匯豐兩隻大藍籌榜上有名，就連小小一家工業股嘉利國際都有份被讚，嘉利個排位仲高過匯豐添。何教授話，係啦!講下好野啦，成日講衰野，香港唔係剩得大藍籌值得讚蕂！
小小嘉利被稱讚
只不過，對香港人嚟講，香港要靠這些內地公司來港上市開飯，但係這些公司質素又成日整大鑊出來，香港真係唔知點算，希望中國公司可以快D提升質素，咁就大家好。
|
