[2005-08-13] 加息消化 屋苑睇樓升5%

放大圖片

　【本報訊】隨著樓市逐步消化加息影響，加上迪士尼樂園快將開幕，以及多個新盤如箭在弦，刺激二手預約睇樓量創今年新高。利嘉閣地產研究部顯示，周末、周日全港50個指標屋苑睇樓量較上周增加5.5%，共錄得3029組客戶預約睇樓，人數創下今年新高。客源方面，投資者見樓市企穩，開始四處尋找筍價盤源，令投資預約睇樓比例由上周17.4%增加至本周的18%。

三千組客睇樓今年新高

　按數據分析，新界區屋苑預約睇樓最旺場，該區24個指標屋苑共錄得1232組預約，較上周大幅增加11.7%，升幅屬三區之冠。利嘉閣地產王牌屋苑荃灣、深井及青山公路區域董事蔡榮增表示，隨著迪士尼樂園快將開幕，加上深井新盤碧堤半島3期正部署開售，刺激大量投資者及用家留意新界西區物業，旺勢更在集中在荃灣、深井、青衣、馬灣及東涌區，區內屋苑如盈翠半島、珀麗灣、碧堤半島、綠楊新�h以及映灣園的預約睇樓量都較上周增加9%至40%不等。

新界西屋苑睇樓增幅大

　與此同時，九龍區將有兩大新盤都會馬尺及翔龍灣快將應市，鄰近的二手市場亦轉旺起來，其中傲雲峰、新都城及維景灣畔的預約睇樓量就錄得13%至29%的升幅。

投資者比例增加至18%

　睇樓客源方面，投資者亦再度部署入市，周末大型屋苑投資者預約睇樓比例報18%，較上周增加0.6個百分點。資料顯示，多個藍籌屋苑都漸見投資者蹤影，如太古城、康怡花園、城市花園、海逸豪園、傲雲峰、維景灣畔、美孚新�h、牽晴間、珀麗灣以及映灣園的投資者睇樓比例均超過20%或以上。