[2005-08-16] 恆生答謝客戶重實際

　香港百萬(美元)富翁數字年年增，香港要走「東方瑞士」之路，銀行都要落力一點尋找大富翁。恆生過去九年就一直尋找千萬富翁，招攬成為私人銀行客戶。恆生私銀部門下個月就開始踏入第十個年頭，恆生私銀主管朱婉儀昨日就相約一眾記者朋友，面向維港西岸來個「High Tea」，分享一下過去一年恆生表現，以及香港私銀市場發展。

　貴為本地龍頭大行，主力吸納既富貴客都係本地人，朱婉儀話，無論本地行定外資行吸納既本地客，香港私銀客人特點就係鍾意自己話事，所以銀行多數只會提供建議。至於近年不少銀行都大搞娛樂節目答謝私銀客支持，向來穩打穩徧既恆生貫徹一貫方針，以實用服務為主，好似下星期銀行就會為私銀客舉行有關取消遺產稅的研討會。