[2005-08-16] 先付款後供貨針對科龍
科龍問題越揭越多，令唔少供應商憂慮萬分，擔心會燒到埋身，唔知點收番D貨款。不過華潤勵致卻處之泰然，皆因兩年前已做足準備功夫，一直堅持以「先付款後供貨」方式對付科龍，風險自然可以降到最低。華潤勵致呢個做法只對科龍呢個客戶，唔通佢瓊早已洞悉先機？問到勵致CEO朱金坤，何以唯獨針對科龍，佢都答得好「妙」，只講一句呢個做法「自然有我的道理」。
朱總話，兩年前已用呢個方法防範風險，仲話依家都仲持有科龍10萬元先付貨款，但仲未向科龍供應壓縮機。如此一來，果真可保障公司利益之餘，亦可同時降低風險至負數，幾聰明呢！
|
