[2005-10-01] 劉德華黃日華 貴州賣「父子情」

放大圖片

　兩個「華仔」一起鼓勵殘障歌迷。

　【本報訊】《童夢奇緣》前日公映，首日票房收一百萬，成績理想，身在內地的劉德華得知佳績，十分開心！

　前晚華仔的演唱是他05年中國巡迴演唱會第二部分最後一站，他特意邀請了「童夢」裡的「爸爸」黃日華到貴州，欣賞他的演出。綵排時劉德華帶「爸爸」黃日華試坐他舞台上的超級升降梯，兩個人升上高處，華仔百厭地爬上爬落，令到黃日華十分驚嚇，大罵這個「百厭星」，不停叫他返回原位，不要亂動。當升降梯下到地面後，黃日華笑道：「嚇死我呀，佢爬出去，成個梯搖晒，我幾驚佢危險呀，呢個仔呀！真係反斗到冇人有！」

　劉德華對黃日華說：「今次『童夢』好多人讚爸爸做得好，我希望你努力，繼續全力上，連浮雲甚至天際列車都趕上，我們夢想要比天高，哈哈，所以我帶你坐天梯。」

　晚上演唱會後，劉德華收到電影公司老闆林生電話，恭喜他首日有百萬票房，令華仔十分開心，而黃日華更收到其15歲女兒的電話，告訴他今晚同十幾個同學仔去旺角捧他場。

鼓勵殘障歌迷生存

　前晚，華仔收到貴陽一個殘障歌迷的信，說很渴望見他，華仔於是在演唱會後台與這個歌迷見面，這個女歌迷一見華仔便哭了，更說本來已經放棄生存意念，就是因為喜歡劉德華才令她努力活下去，華仔不停安慰她，更叫他要勇敢做人，又跟她拍合照留念，令這個歌迷畢生難忘。