[2005-10-04] 韋奕禮�扇O者大派朱古力

放大圖片

　新任證監會主席韋奕禮昨日會見香港傳媒，並派朱古力�恕H。

．張三笑．

　市場傳出韋奕禮(Martin Wheatley)可能接任證監會新一任主席已有個多月，但證監會上周五才正式公布有關委任。據悉，上周公布委任後，傳媒朋友都希望可以一訪以大熱姿態勝出的韋奕禮，聽聽佢既感受，但佢始終保持緘默，一視同仁，直至　昨日先出來一次過見晒所有傳媒朋友。

「新卡片」仍印舊職銜

　雖然有指韋奕禮向來低調，但佢昨日一上場，即向傳媒朋友大派朱古力，但睇落朱古力唔及佢手上既卡片吸引。三笑當然唔執輸�v番張「新卡片」，但發覺韋奕禮所派的依然係印上「委員及執行董事」既舊卡片。

英文溝通叫多包涵

　韋奕禮都好老實話，尚未十分熟悉香港的傳媒，所以佢會努力不懈同大家建立坦率而有建設性既關係。不過，佢表明大家既關係需要以英語來建立，但有時佢都會偶然地講一、兩句廣東話，所以叫大家多多包涵。

　睇番之前報道，發覺韋奕禮出任新主席其實早有玄機，因為前主席沈聯濤�隋P傳媒打保齡時，在球場上逐一向傳媒朋友介紹韋奕禮，有行家話感覺有搵似當年江澤民在眾人中找老董握手，所以心水清既朋友們應該一早就會估到。

證監派投資教育卡

　除�鱄釩麻妞ㄔd片，證監會亦向投資者們派另類卡片。證監為提醒投資者在選擇金融產品時發問適當的問題，為投資者推出題為《保障你的權益從發問適當的問題開始》袋裝卡，方便隨身攜帶。

　呢張袋裝卡係繼證監會較早前刊發的投資者教育單張《投資顧問問清問楚》後，就相關課題編印的另一份教育刊物。卡上列出投資者面對投資於基金、投資相連壽險計劃等應思考的問題，如投資者的投資目標、投資期及願意承擔的風險程度，以及所推介產品的特點和風險、中介人會從提供那產品的金融機構收取多少佣金等。