[2005-10-04] 匯豐明上演「朝偉遇朝偉」 放大圖片
「銀行界梁朝偉」(右)和「電影界梁朝偉」將共為匯豐信用卡造勢。
置地廣場聽日會上演一幕「當朝偉遇上朝偉」。點解？原來匯豐卓越理財信用卡同匯豐白金Visa卡，會同HARVEY NICHOLS合作推出一張全新的優惠卡，匯豐方面有「銀行界梁朝偉」外號既王冬勝撐場，而大會更加請來國際著名影星梁朝偉，以凸顯今次張卡既氣派。
三個型男相遇
自專欄作家李碧華數年前話過官仔骨骨既王冬勝(Peter)有影帝梁朝偉的感覺後，Peter「銀行界梁朝偉」外號就一直叫到而家。雖然「銀行界梁朝偉」外號似係褒多過貶，但Peter始終認為自己就係自己。
唔好以為聽日一定會由王冬勝同梁朝偉搶晒鏡，原來大會仲請來迪生集團執行主席潘迪生擔任主禮嘉賓，三個嘉賓都咁有型，各具特質，平分秋色，相信會謀殺唔少財經版、娛樂版、名人版記者的菲林。講番Peter，佢轉投匯豐已有足足半年，但曝光率好似無以前咁多。唔好以為佢偷懶，原來佢加入匯豐後就不停係咁飛，上海、北京、美國……飛既時間幾乎仲多過留効香港既時間，難怪有次三笑同佢傾開偈，佢真係唔記得邊日打邊日。
|
放大圖片
