[2005-10-12] 航空公司慳油斤斤計較

放大圖片

　國泰設「減重專責小組」，專門度橋減重慳油。

　今年油價不斷上升，不停聽見航空公司叫救命，話盈利受高油價嚴重蠶食，某搵航空公司今年已幾次延長及調高徵收燃油附加費。

國泰機身或變成光脫脫

　普羅大眾未理解情況究竟有幾嚴峻，但其實睇�w航空公司各出奇謀、甚至要斤斤計較去減省成本就略之一二。據三笑所知，國泰便專設「飛機減重專責小組」，由常務總裁湯彥麟領導，專門度計減重慳油。

　其慳油大計包括，優化航線、使用效率更佳的飛機引擎，更換令飛機耗油量更少的機翼，甚或勤搵清洗機身以減低重量。除此之外，國泰就更考慮將貨機機身上的油漆刮掉，令飛機變成光脫脫的全銀色，機身上亦唔會髹上國泰標誌。

　不過，其實幫飛機「剝光豬」並唔係新鮮事，美國航空所有飛機外殼都係磨光了的金屬銀色，西北航空既貨機亦一樣係光脫脫，行內人仲幫佢瓊改�鱄茼W叫Silver Bullet(銀色子彈)，日本航空新的波音747-400貨機機隊亦係全銀色。只不過因為油價高企，促使航空公司絞盡腦汁去低減輕飛機重量及燃油消耗，達節省成本之效。

行李用紙餐車斤斤計較

　另外，要斤斤計較的不單機身上的油漆，長途航班上使用較輕的餐車，甚至細微到機上雜誌使用較輕的紙質印刷亦係考慮之列，減少機上報紙供應亦係對策之一，皆因現時某搵航空公司既報紙供應，可以係多到每名乘客有兩份，即係每架飛機有近300份，都咪話唔誇張。而嚴格限制乘客手提行李的重量，亦係研究項目之一，因為若每名乘客的行李超重2.5公斤，一架載滿客的747客機的負重量就便多出1公噸。正所謂積少成多，少數怕長計，精明的家庭主婦到超市買野都左計右計，航空公司亦不例外。