[2005-12-03] 霆鋒發脾氣「夾定」

放大圖片

　謝霆鋒推銷新碟，已出盡渾身解數。

　【本報訊】謝霆鋒最近推出新碟，有報道指霆鋒早前出席台灣一個遊戲節目，主持人又重提王菲，問霆鋒最激的一次性經驗時，霆鋒就黑起面發脾氣，主持人還繼續問他覺得兩位前度女友王菲和張柏芝，邊個身材較好？霆鋒立即大發雷霆罵人，大吵大鬧起來，然而，事後節目監製就指霆鋒早已知道主持所問的問題哩。

不知台灣尺度

　霆鋒昨日到電台做訪問，被傳媒追問他有關上台灣節目的事，有指監製說他早已知道問題，對此霆鋒表示:「其實係接受節目的懲罰之一，這是可以理解，我都習慣被人問這樣的問題，別人要問都沒辦法，我真的不知道尺度是這樣，以為可以輕輕帶過就算。」問他是否在節目大發脾氣？他表示：「大家睇過節目，都知係開玩笑，當時主持人都一樣掟碟啦，可能別人冇睇過該節目，便收到錯誤的訊息，我早同監製講明唔會答這些問題，我還問可不可以發脾氣，佢話可以�鵅v

問者應該自重

　有指在節目公開談性的問題，好像對女方不太尊重？謝霆鋒再次強調：「唔知道節目尺度係咁，最初以為最多問阿菲懷孕會唔會恭喜她，今次引來咁大誤會，下次我上這些節目都要考慮了，其實大家睇回節目，就知我當時不是太大的反應。」那麼如果真的有記者問他有關與前度女友的性問題，他會作出如何的反應呢？他說：「真係有人問這些挑釁�黻暋D，這個人都唔尊重自己，如果香港傳媒係咁，就連累整體文化，階級層面都被拉低晒。」

感情事不回應

　有指霆鋒在出新碟的時候，又提阿菲，難免令人覺得他借別人做宣傳，霆鋒解釋：「問題唔係我問，如果別人要咁講都冇辦法，一切關於感情的事，我都唔回應。」

　此外，陳凱歌及張柏芝都有為霆鋒平反指沒有出席電影《無極》宣傳是因為檔期問題，霆鋒開心地說：「很多謝導演出來為我說話，既然今時今日謝霆鋒自己的說服力不大，不如以後大家去問我身邊朋友，不要問我了。」訪問結束後，霆鋒便舉起自己的新碟說：「隻碟做得咁好，到頭來都係原地踏步。」說罷他突然向男記者大爆粗口，並指自己是發洩一下。