[2005-12-05] 禁輪商回佣 經紀斷「米路」

放大圖片

齊齊搵「水」

　證監會早前發表建議，講明全面禁止窩輪商向經紀畀回佣，三笑心知此舉是斷絕兩者間的利益輸送，免卻輪商與個別經紀行或投資者「造高」某隻窩輪的成交，對市場係好事，但就明顯斷�髐@眾經紀行的「米路」。三笑仲聽聞，本地有一間小型證券行，大做窩輪生意，令成交額躋身A組經紀行列，與國際知名大行同組。

避免有利益輸送

　也有窩輪投資者大手買賣輪，結果一個月獲得輪商250萬元回佣，凡此種種，都可謂國際奇聞，為香港這個金融中心添加傳奇色彩，亦可睇到香港作為全球最大的備兌證市場，已出現各種異常現象。而證監取消佣金回贈，都可是「亡羊補牢」。

　證監今次的建議，令好多經紀行收入都會少�髐@截，本港最大的經紀業組織——證券經紀業協會主席艾秉禮就話：「畀經紀行回佣只係輪商的推廣招數，根本每個行業都有啦，我瓊唔希望全面禁止經紀回佣，雖然現有安排有瑕疵，但只要深入研究相信可以解決這個問題。」

業界無激烈反對

　不過，三笑得悉，雖然全面禁止回佣令中小型經紀行生意受損，但今次業界的反抗就唔算激烈，只係「啞子吃黃連」，甚至有業內人士支持證監的建議。好似證券及期貨職工會會長王國安就話，若果現行遊戲規則唔公平，便要修改。雖然過份監管會令窩輪成交減少，但如果市場唔公平，令投資者損手，長遠對成交亦無好處。

　據一位業界老行尊話，不少經紀眼見散戶投資窩輪都輸唔少，覺得窩輪的操作係「有問題」，唔少行家都寄望港交所（388）盡快推出的牛熊證，因為產品人為操作少，又容易了解，對投資者更公平，相信未來會有好多散戶轉買牛熊證。