[2005-12-05] 印一張銀紙 唔簡單

放大圖片

　新十元美鈔。美國貨幣鑄造與印刷局網站

　道高一呎、魔高一丈，政府定期發行鈔票，目的並唔係貪得意，而係要避免不法之徒以至假鈔集團有「發大財」既機會。美國政府明年3月將全面革新10元面額鈔票，市民驟眼睇未必會覺得張新銀紙有乜分別，但原來當中已經引入�鬫n多新措施。

美全面革新10元鈔票

　大量採用微印字體、變色油墨、水印、安全線等防偽技術當然不在話下，今次每張十蚊美金仲會多�魖滮銇H徵自由主義既女神火把，人像旁仲印有美國獨立憲法上所寫的「We The People」(我們人民)。除此以外，整張十蚊美金既背景則係由紅、橙、黃三色調和既色系襯托。

　鈔票上第一任財長咸美頓既人像、背面財政大樓昔日綑上的花邊將會去掉，但咸美頓個人像則略為抬高。

鈔面人像乃首任財長

　如今科技一日千里，家用彩色印刷技術已接近專業水準。不久前便曾經聽聞過，有人試圖用自己部彩色電腦打印機，大量印製假鈔直接使用。但因為歹徒太貪心既關係，佢一次過用了一疊銀紙去購物，結果被收銀員輕易發現全部銀紙都係同一個序號，結果呢名「笨賊」就咁被繩之於法。

　鈔票辨識技術已經發展到視覺、觸覺兼用的地步。雖然三笑絕對唔會嫌錢腥，不過就好肯定未來既鈔票絕對唔會採用嗅覺或者味覺辨識。試想想，逢人收到鈔票時都放到鼻嗅嗅、放到嘴裡嚐嚐，那個情景何其噁心。