 放大圖片
■李彩華有五位數的利是進賬，創了歷年𦱾利是紀錄。
【本報訊】(記者 許紹基)昨天是年初七人日，李彩華、陳苑淇及吳日言等出席了渣打馬拉松比賽的嘉年華會。
李彩華表示讀書時曾經參加過四公里的長跑比賽，最後亦能成功完成賽事，她說：「我自己唔係玩開長跑的，但最後都可以跑晒，覺得自己都算係唔錯啦！」問到她新年收到幾多利是，她說：「都有五位數字。今年係收得最多利是的一年，之前兩年都去了登台及拍劇，所以收得很少囉！(有冇到緋聞男友蕭定一的家中拜年呀？)絕對唔會去呀，遲搵唱片公司團拜時才問佢拿利是啦！」李彩華今年亦發了新年財，她說：「我前年輸錢，結果發展唔係太好，到去年新年時贏錢，發展就順利好多囉。今年又贏錢，所以希望今年都一樣可以咁好，而且越來越順利！」
陳苑淇買桃花求人緣
陳苑淇新年和父母到了澳門賭場，贏了數百元；她透露自己今年第一次買桃花，問到她是不是想行桃花運，她笑說：「唔係呀，而家愛情對我來講唔重要，最重要係人緣好。我怕爸爸會行桃花運呀，所以我迫住放了那棵桃花入房。」問到她今年會不會參加馬拉松比賽時，她說：「平時最多去做健身，其他運動真係好少會去做。」
|
放大圖片
