 放大圖片
■歐陽震華和郭可盈合作無間，對手戲很有默契。
【本報訊】（記者 李思穎）頭髮稀疏是男人的大忌，不過有此特質的歐陽震華已將之當成標記，縱然被當成話題談論也不介意，他更一番好意叫「M」字額的側田不要為此介懷，經歷過度期之後，便可以坦蕩蕩。
歐陽震華從外地度歲於大前晚返港，昨日接受《巴巴閉邊個夠我查篤撐》電話訪問，提到稀薄的頭髮，他大方談論：「我唔介意，無得遮掩，就算拍Top Shot都唔介意，越避越弊，依家我剪到短無可短，這個頭幾襯我，無人話肉酸，(係咪好過側田戴Cap帽？）係喇，又借搵意乘機辣埋人，哈哈！其實覺得佢唔需要介意，這是過度期，遲下便坦蕩蕩，反而掩飾個心會唔舒服。(你都經過一個很難過的過度期嗎?)當然啦，我出世時唔係咁少頭髮，以前仲要把頭髮削薄，不過人總會有轉變，原來越短越無頭髮更加適合我，我多頭髮個樣好乞人憎，欠觀眾緣，所以視乎自己點諗，最緊要少頭髮得來又要坦白。」
《施公奇案》最高收視達35點，乃近期收視高的劇集，歐陽震華開心謂：「或者一班人吃飯慶祝，我請客都無所謂，(除衫慶祝？)又係咁老土，又係著T-back，有無其他新意，其實30幾點好普通，好似『阿旺』最高去到40幾點。不過自己都有向監製提議拍續集，要視乎公司的決定。」
|
放大圖片
