與張耀揚打招呼 袁潔瑩又惹緋聞

放大圖片

　■袁潔瑩緋聞纏身，甚感無奈。

　【本報訊】（記者　梁靜儀)袁潔瑩近年經常被影到與富貴同性好友出雙入對，然而，早前她出席一個時裝騷時，卻被影到與張耀揚咬耳仔，因而傳出緋聞。前晚她出席《本能2》首映禮時，被問到與張耀揚的緋聞時，她顯得相當勞氣，並說：「我同Roy好耐之前合作過《學校風雲》同《猛鬼入侵黑社會》，已好耐冇見，見番就打個招呼，佢仲笑我『你真係男又得女又得喎』。」

　笑問她是否真的男女都可以？袁潔瑩聞言後即時無名火起，並自辯是真女人：「我絕對唔係咁既人，一係男，一係女，唔會同一時間又男又女，我擺明係一條女啦。」近年她經常被影到偕同性出入，更多次被形容為「斷背情」，袁潔瑩聞得「斷背」即無好氣說：「呢個形容詞好悶呀，永遠都係『斷背』，未落畫咩？」問到她現時可有拍拖？她聲稱未遇到對象，認為感情事可遇不可求，由自己曉得拍拖第一日開始已確定不一定會結婚，同居還有可能，也不排除會當未婚媽媽。