 放大圖片
■Gigi喜歡小孩子，對小男孩錫了又錫。
【本報訊】（記者 李思穎）梁詠琪和鄭伊健分手四個月，有報道指Gigi趁伊健在泰國拍戲返港前搬離匡湖居這個傷心地，已秘密遷往羅便臣道。Gigi間接承認搬家一事，但否認搬屋是避開與舊愛碰頭。
親吻小男孩
梁詠琪以「愛心之星」出席「新城小菠蘿慈善唱K馬拉松」的啟動儀式，現場安排一班小朋友上台，梁詠琪深得小朋友歡迎，紛紛送吻，其中一位男孩兩度與Gigi嘴對嘴，羨煞旁人，最搞笑的是Gigi問該小孩是否獻出初吻時，對方搖頭示意，Gigi笑說：「佢話唔係初吻，我無騙佢瓊，同細路仔錫嘴無所謂，佢長大之後都唔記得喇!」
為工作搬遷
梁詠琪談起小朋友便滔滔不絕，當話題說到她遷離匡湖居，她即煞有介事：「搬唔搬無所謂，我都四海為家，佔大半個月不在港，只係搬咗放行李的地方。(係咪搬離傷心地避見伊健？)唔好咁講，都係方便工作，報道有很多揣測，不用理會。（依家無同媽咪一起住？）我成日返屋企𠳓，都係遷就工作需要。」
非個人心聲
此時，Gigi的唱片宣傳人員便把話題拉到新歌上，最近Gigi的新歌《給自己的情歌》便是周杰倫作曲，陳少琪填詞，歌詞唱出Gigi失戀的態度，會堅強面對，不過Gigi否認是個人心聲，她解釋跟陳少琪是工作上的戰友，「這首歌有莫大的鼓勵意思，我很感動，（是否身邊的朋友都很擔心你？）已經講咗咁耐，唔好再講，（有聯絡伊健嗎？）唔好講喇。」
|
放大圖片
