 放大圖片
點解我呢幅畫咁得意？係因為媽咪知我有水腫的苦惱，於是每日都煲一壺去濕茶畀我飲，我日日帶住媽媽親自煲的去濕茶，其實豈止是壺去濕茶，簡直是一壺愛心啦，而且我媽咪煲湯都很耍家，無論是粉葛湯或鮑魚雞湯都很正。為了感激媽咪，今日母親節我放假全日陪她行街食飯，禮物就任她買我畀錢，平日她最想我陪她，所以一定好開心！我一直都好乖女，最差是工作忙時脾氣不好媽咪成為代罪羔羊，好在媽咪冇嬲我，我都想代所有兒女同天下間的媽媽講聲「對不起！」因為仔女一定有不懂事激壞媽咪的時候，希望她們原諒我們。
我最難忘是代媽咪出頭，我係潮州人，遺傳了爸爸的大男人作風，有保護媽咪的天性，當年知道媽媽畀公司經理欺負就打電話去鬧人一餐，再幫媽咪辭職，趁機逼媽咪退休，係咪好孝順呢！媽咪，我要永遠保護你！
|
放大圖片
