 放大圖片
■看張智霖玩球，也可知他是球迷。
【本報訊】（記者 梁靜儀）張智霖早前拍戲傷及腳部，日前往照X光，發現螺絲有些移位，不能做劇烈運動，是以他昨日也不能落場踢足球只好做觀眾。
張智霖是標準球迷，對於即將舉行的世界盃，他當然不會錯過，他說:「我會作適量投注，準備同靚靚每人用一萬元賭波，如果贏錢就捐去做慈善。」他謂喜歡朗拿甸奴，而靚靚就喜歡碧咸及巴西的卡卡，他笑說:「靚靚最驚是細哨(朗拿甸奴)，一有close up就唔敢睇，我覺得整個細哨出來都唔緊要，因覺得細哨好似木村拓哉咁，好有型。」問到靚靚現時懷有身孕，不怕捱夜睇波對身體不好嗎? Chi Lam指做藝人慣了捱更抵夜，早睡反而比較難。由於靚靚不方便出夜街，要是老友們到時去他的家睇波就最開心。
|
放大圖片
