 放大圖片
■無線新劇《東方之珠》昨天舉行拜神儀式，汪明荃、郭晉安及佘詩曼又有合作機會。
【本報訊】(記者 許紹基)汪明荃昨天出席了新劇《東方之珠》的開鏡拜神儀式，她接受訪問時，被問到有關對近日森美及小儀在電台節目中選舉「我最想非禮的女藝人」的睇法，阿姐道：「我有睇報紙，但冇聽過個節目。我覺得唔係幾好囉，唔應該拿女性來開玩笑。」
給年輕人錯誤訊息
阿姐說：「『非禮』兩個字好嚴重，係犯法。佢兩個作為公眾人物，現在更主持電視節目，說話更要小心。（15/16的收視好像下跌了。）我相信都有影響，其實最重要係『非禮』兩個字在他們心中係點，最緊要係知錯；這個其實亦係香港的教育問題，可能佢兩個仲年青，可能佢兩個的中文程度令他們兩個理解錯誤，又或者他們想靠講野出位，呢個係態度問題。佢兩個的節目對象都係年輕人，他們而家帶出了錯誤的訊息，總之之後要小心說話。」
接受教訓的一課
事件的主角森美和小儀昨日傍晚尚未知公司的停播停薪2個月的決定，如常地到電視城為節目《15/16》進行錄影，兩人被記者追問有關事件的進展時回應道：「我們已作公開道歉，而事情的新進展亦係等待中，要有新的發展才有新的意見，要做的事都做了，冇乜可以擔心。（吳君如開聲支持你們兩個喎！）佢一向都好照顧身邊的人，又常請我們吃東西。（會否覺得今次道歉太遲？）其實真係冇所謂遲定早的問題，我們在上星期六時已作出道歉，之後有報章向我們查詢，我們亦已道歉。（會否擔心這件事會影響了《15/16》的收視？）不擔心，應該是兩件事來的。
我們一向在節目中說話都好謹慎，只係偶然說錯了一次話。我自己不擔心fans們會否因為咁而不喜歡我，我反而著重大家是否可從中吸取教訓，我們兩個亦都上了一課，以後會小心用語。」
|
放大圖片
