|
【本報訊】(記者 李思穎)陳奕迅昨日在屯門某廣場舉行「Get A Life演唱會Live VCD/DVD簽名會」，為六百位Fans簽名，現場吸引近千人圍觀。剛出席完台灣「金曲獎」頒獎禮的陳奕迅，因未能欣賞自己捧的英格蘭作賽，不禁大嘆可惜，他突然又「波」癮大發，「波」不離口。
前晚陳奕迅出席台灣「金曲獎」的頒獎嘉賓，因而錯失觀看英格蘭對巴拉圭賽事，他無奈說：「睇唔到英格蘭，我好失落，本來預設錄影該場球賽，點知屋企部機有問題，剩係錄得四分鐘廣告，我知英格蘭贏一球險勝，後日(明) 便代表奧比斯起程赴印度探訪，到時又睇唔到世界盃。」他繼續滔滔不絕說：「其實都好諷刺，今日係我為DVD做簽名會，但係全場掛滿關於世界盃布置，哎唷，我好想踢波，唔想簽名得唔得，有無波呀，畀個波我，依家咩都講波。」
接著他便以普通話唱「給我一個波，可以不可以。」當問到為何選在世界盃日子出碟，他謂：「點鬼知，你問黃老dun（指唱片公司高層黃劍濤），黃劍滔呀，滔滔不絕個滔，哈哈！」拍照時，陳奕迅突然問大家識唔識英文，然後便指指身上印著「but psychotic」的英文字說:「我係傻蕂，英文都係咁解，哈哈。」一派樂在其中。這張演唱會的DVD製作成本不菲，陳奕迅透露因有高新技術製作。(劉家昌投訴紅館不宜開演唱會？ )他謂：「香港紅館體育館，梗係for體育喇，講完。」
|
