 放大圖片
【本報訊】（記者 李思穎）被傳復合的謝霆鋒和張柏芝日前不避嫌蹺手出席上海蠟像揭幕禮，謝賢聞悉後不禁說此舉是愛的表現，又指霆鋒已給愛情泡沫遮蓋雙眼，令「鋒芝戀」重燃更加繪影繪聲。四哥越說越興奮，竟在咪前爆出粗語，同時覺得霆鋒應該分手多次來吸收經驗。
為「搵到幸福」叫好
謝賢昨早到電台做訪問遲到半小時，他解釋因有不可告人的急事，當問到霆鋒和柏芝高調拖手，四哥四萬咁口說：「嘩，愛的表現呀，搵到真正幸福，佢就好啦。（霆鋒有講過嗎?）沒有，可能搵到才話我知，佢都見我唔到，依家佢雙眼有東西遮著，畀愛情泡沫遮著。（你要否過二招給他？）黐線，使咩過二招，胎教啦！（佢近日心情大好？）我同佢唔係好熟，已經有成個月無見面，（霆鋒和柏芝係咪復合？）咁深的問題都問我，我都係在報紙才知道仔女的消息。」
當問到四哥喜歡王菲還是柏芝多一些，謝賢在咪前高談闊論，竟然忘形爆粗：「我個個都鍾意，總之佢喜歡就得，係佢對一世，如果我喜歡而個仔唔喜歡，咁咪××（粗語）。」四哥自知口快失言，不禁用手掩一掩嘴巴。
阿仔該多分手取經驗
霆鋒透露過四年前想過結婚生仔，可惜未能實現，四哥不感可惜，也不「恨」抱孫，「既來之，則抱之」，不會刻意，自有天去安排，但知道霆鋒很喜歡小朋友，抱著陳奕迅個女便開心到不得了，天性使然，四哥笑言：「佢鍾意仔，我就鍾意女，哈哈。」四哥對於霆鋒和王菲分手收場，可惜嗎？他謂：「應該分手多幾次，便有更多經驗，好似我都分了四次手，包括有嘉玲、蕭芳芳、甄珍、拉姑，依家屋企的對聯寫著『加加減減』、『方方圓圓』、『真真假假』、『拉拉扯扯』。」
自問專一不及劉家昌
重提當年劉家昌介入四哥和甄珍的婚姻，四哥坦言：「最初唔鍾意劉家昌，依家就好尊重佢，覺得佢好專一，好過我，現在唔敢再講人家的事，總之佢（甄珍）幸福我就開心，（劉家昌話自己愛情專一，但行為唔專一？）我睇唔到佢行為，我行為就好專一，只對著一個。（霆鋒專一嗎？）我覺得佢幾專一，兩父子唔會講這些話題，做老竇要保持尊嚴，不可以問唔三唔四的事，不過霆鋒對待寵物的專一便知其為人，我對寵物就唔得，養龜都會死，所以老婆驚我養鬼死佢瓊咯。」
四哥於今年便踏入70歲，對他來說不會受年齡限制，要保持豁達心境，他自豪地說：「我有波有籮，著到人瓊唔敢著既衫，唔可以講老字，只係成熟而已。」
|
放大圖片
