 放大圖片
【本報訊】（記者 李思穎）容祖兒在圈中可說是緋聞絕緣體，入行以來僅與隱形男友拍拖，其後再沒有新戀情，相比近日李嘉欣生日收到舊愛劉鑾雄以全版廣告賀壽，引起全城哄動，Joey的風頭當然及不上嘉欣這位大美人，當Joey被問到最冧的一次經歷時，她感到不是味兒，不停轉動腦袋，道盡人生最冧的經歷，然後自爆是「作料」交功課，自嘲是「霉dum the」，從來沒有遇過最冧的一次。
容祖兒見到記者便說：「好驚呀，日前屋企附近見到大批記者，最初心虛以為自己做錯咩事，我成日做錯事，第日睇報紙才知李嘉欣住効我附近。（有否試過同樣的冧招？）無呀，我要籌錢集資，自己登畀自己就可以。(有人登廣告賀壽，係咪會好霖？）都要睇𣈳係咩人，不過都會好高興，女仔好易氹，稍為花些心思便可以，不過這些事情唔會發生効我身上，無人咁落本。（點解咁睇小自己？）哈哈，可能明日會有人登，或者効分類廣告找尋到，好似郵票咁大。」
當問到Joey試過最冧的一次是怎樣，她語帶無奈說：「話無又好似太渣，唯有話有喇，其實唔需要用好多錢都可以冧，記得小時候生日便同一位男同學買一個孖寶蛋糕，然後走到公園仔吹蠟燭，係咪幾冧呢？又試過收到小冊子，裡面作晒詩，現在也有收藏起來。」當Joey發覺大家都沒有反應，只好投降坦白道：「我作得好辛苦，對唔住呀，其實無遇過最冧的事，過的都是平實生活。」
|
放大圖片
