 放大圖片
■蒙嘉慧和歐陽震華這樣「騎膊馬上樓梯」，做到互相體貼。
【本報訊】(記者 許紹基)無線劇集《法證先鋒》的一班演員昨天到旺角一健身室做宣傳，大家一起玩遊戲，嬉戲對白甚有「味」；而蒙嘉慧在和歐陽震華玩「騎膊馬上樓梯」的遊戲時更險些春光乍洩。
當記者訪問黎諾懿時，蒙嘉慧突然走過來問黎諾懿：「你做咩話我粉腸呀，哼！」蒙嘉慧解釋道：「其實平時我經常會邀請黎諾懿一起滑水，我近來肥了一些，影相時都特別覺眼，不過，我自己都想肥一些，看上去會比較精神。（今日同歐陽震華玩遊戲時好似好辛苦？）其實唔係，不過大家都盡量避免有接觸啦！我其實最驚Bobby『口賤』，連『假狗』都唔敢裝，免得佢問做咩我個bra會咁硬啦！」
歐陽震華則笑著回應道：「佢有『裝』喎，不過裝了都唔覺之嘛！佢而家大個女的了，發育完成晒啦，哈哈！」
楊秀惠和黎諾懿玩遊戲時亦出現「心口貼背脊」的情況，兩人事後都稱感覺不到異樣，因兩人相熟，故不覺尷尬；而且玩遊戲時太辛苦，所以完全沒有留意身體上的接觸，楊秀惠說道：「隔住咁多野都感覺唔到啦！」而黎諾懿亦笑稱：「楊秀惠一向都係有料之人啦，我背脊又厚、佢心口又厚！」
|
放大圖片
