 放大圖片
■側田自稱「輕色」，獲女歌迷吻賀生日卻心花怒放。
【本報訊】(記者 李思穎)有報道指古巨基因私自接廣告觸怒經理人黃柏高(Paco) ，遂令Paco棄「基」谷「田」，好似早前的KFC廣告便由原定的基仔換上側田。未知側田是否要向師兄示威，昨日便在該店與近百歌迷舉行生日派對，提早慶祝下月一日的卅歲生辰，徇眾要求下，獲女歌迷吻賀的側田顯得心花怒放，開心不已。
黃柏高「最愛」是錢
側田對於傳聞平淡應付，他說：「單新聞咁廢，好明顯是假，不想回應，總之基仔係我大佬阿哥，分明有人搞鬼想拆散我瓊公司，我同基仔經常通電話篤波，感情好好，大家對今次事件都係得啖笑，個本雜誌好唔掂。」是否得到Paco特別愛惜呢？「Paco係好惜我，但係唔係特別愛惜。(最惜你還是最惜基仔？)這些不想答，其實Paco最惜係錢，哈哈。」
有指千嬅向Paco拍檯投訴，不滿基仔四處放暗箭指她不應得「傑青」，側田不相信千嬅會拍檯罵人，至於基仔放暗箭，側田謂：「可否不再講其他人，報道是作出來，係想搞亂我公司，但係手段好污濁，算啦，自己知自己事咪得囉。」
生日願望買樓開公司
踏入卅歲的側田大嘆「老了」，有說男人三十而立，問到側田是否已經有女友，所以不用物色對象，他說：「黐線，無呀，我都想搵番過女朋友，不過每日都好忙，而且卅歲是人生另一轉捩點，廿歲時會把愛情放在首位，依家會睇得好低，事業、屋企人、朋友，第四先輪到愛情，所以做我女朋友都好慘，係女仔都唔會揀我，我係重友輕色，兄弟最緊要，生日願望想買樓、開公司賣自己的產品，預估五年後可以實現。(你生日千嬅有無表示？) 唔知呀，仲有一個星期先到生日，其實成年對我好已經開心，不需要送禮貌。」
|
放大圖片
