 放大圖片
【本報訊】（記者 許紹基）十六位「香港小姐」候選佳麗及十四位「香港先生」參賽者，昨天為節目《當香港小姐遇上香港先生時》錄影及出席其拜神儀式，其中5號佳麗呂慧儀及6號陳敏芳都因宗教理由而沒有在拜神儀式時上香。
私底下通電話
節目監製何小惠表示，此特輯將分兩集，兩批候選人會在節目中互相發問問題，之後各自投票選出「香港小姐眼中的香港先生」及「香港先生眼中的香港小姐」。
4號佳麗黃瑩覺得今屆香港先生的候選人質素很高，她還表示：「我識變魔術的那一個（11號王天就），我們未有時間交換心得，但有傾過電話。（會否投票選對方？）或者啦，我覺得陳友個仔（7號陳良韋）及13號林君銘都幾好，我自己喜歡高大一點的。」記者要求黃瑩及王天就合照，但王天就顯得十分尷尬，勉強合照，而當王天就行近時，黃瑩道歉說：「唔好意思呀，擺你上檯！」王天就說：「你講咩呀？點解會咁蕂？」
變魔術好得意
問王天就為何在合照時要和黃瑩低頭私語？他緊張地答：「冇呀，你聽錯了！佢係朋友的朋友，之前在聚會時見過面。（黃瑩很欣賞你變魔術喎，咁係唔係你追女仔的絕招？）唔係，冇野做玩𣈳之嘛，我們只是朋友關係！」而黃瑩也表示：「大家係朋友囉。（佢有冇變過魔術去逗你開心呀？）變過𣈳啦，我有次搭地鐵見到佢，佢都係練習魔術，我們之前都只係見過兩、三次，而且亦係入選後才講電話。（你覺得對佢會唔會唔好意思呀？）唔會，都係影張相。我見到佢練魔術幾得意，上次在電視上見到佢變咗支好長既野出嚟，好得意呀！」問到王天就是否其喜歡的類型時，黃瑩只笑而不答。
呂慧儀「飛車」？
早前有周刊指5號佳麗呂慧儀和男朋友同居，更因要避開記者的追訪而嚴重超速及「兜路」，她昨天道：「我冇同居，我同家人一起住。（是否超速很多呀？）我覺得那天不算係飛車，佢的車都去不到190公里，你們可以去check下！（那是否故意「兜路」？）我唔答喇，因我不想住址曝光。(你有否拍拖？)好私人，唔公開。（那個是否男朋友？）私人野，唔好問啦！總之那天食飯的個個都係好朋友。」
呂慧儀表示自己喜歡有內涵、聰明及有學識的男性，她說：「如果第時係我男朋友的人，一定係我好欣賞的。（咁報道中那個呢？）我個個朋友都欣賞。」
梁國賢否認基佬
8號徐淑敏看男性會先看對方的性格，她喜歡聰明的男性，記者表示要看對方是否聰明需要一段長時間，她道：「選另一半當然需要長一點的時間啦！（年齡是不是考慮的因素？）不是，年紀不是問題！」
早前有報館收到匿名信指香港先生4號候選人梁國賢是同性戀者，記者昨天向他求證，梁國賢反問道：「邊個講蕂？（匿名信。）唔使信囉，由得佢講。（你是否喜歡女性呢？）當然啦。（你覺得是否因為早前在宣傳活動上先拿了一個『最具魅力』人氣獎而受人妒忌？）咁一定會有，但我對自己好有信心。」
|
放大圖片
