 放大圖片
【本報訊】（記者 李思穎）黎明前晚與一手提攜的徒弟衛蘭合作演出第五場《拉闊演奏廳》，蜜運中的Leon心情大佳，在台上罕有地施展舞姿，贏得台下歌迷歡呼聲不絕，又放下天王身份幫衛蘭拎花，但並沒有因衛蘭為他流下感激的眼淚而大亂方寸，反而對女孩子似是了如指掌，揚言女孩子喊有一半是真，一半是假哩！
當晚衛蘭以新造型打頭陣出場，師弟應昌佑亦有上台演出，黎明分別跟兩人合唱，最搞笑是當應昌佑唱歌時，Leon興之所致，聞歌起舞，不停扭動身體，台下歌迷難得看到Leon跳舞，禁不住依嘩鬼叫，但見Leon整晚情緒高漲，不時發表他的「黎明語錄」營造搞笑氣氛。
聞歌起舞好「鹹濕」
他解釋自己突然起舞原因有三：「第一是吃了感冒藥；第二是想坐下，跳得累便可以坐一坐；第三是因為自然。」至於Leon的舞藝如何便見人見智，衛蘭便大擔形容黎明跳得好「鹹濕」，又指Leon經常在寫字樓跳舞。應昌佑幫衛蘭補鑊說：「佢意思係話sexy。」衛蘭笑笑謂：「係呀，我中文唔好，我想話佢懶sexy咁。」
正當台下觀眾的叫喊聲太大時，黎明鬼馬地說：「你瓊唔好叫住，畀些時間我，鬼叫我坃住個咪，哈哈！」歌迷便乖乖靜下來。
當衛蘭在台上感謝完黎明，兩人便合唱《情深說話未曾講》，衛蘭忍不住眼濕濕，其後問到Leon可有見到？他竟說：「𣈳，我以為佢勾親個鼻環，不過女仔喊係好正常，男仔喊的話便不正常。（通常女人眼淚會令你手足無措嗎？）女人喊只有一半真一半假，只要有這個想法，就唔會產生不必要的同情，做錯不必要的事。」Leon否認自己是鐵石心腸，只要是真的喊都會令人感動，喊都係情緒抒發，通常女人的水份較多。(既然喊功沒用，嗲功有用嗎？）黎明說：「容易嗲得到，證明這個男仔耳仔很軟，不過男仔耳仔軟都有半真半假，男女是公平的。」
搬屋避偷拍搵自己笨
黎明的舞姿令歌迷反應很大，他表示平時很少跳舞，15、6歲時有去外國的士高，但回港之後便沒有踏足這些地方，可能專登排會無咁好看，依家順暢好多，否則就好似一個軀殼被人家靈魂支配住，會變成咗九唔搭八，八唔搭九，可能我跳得唔美麗，只要食到個bit就一定無問題。(會同女友去跳舞嗎？）唔會，跳舞多數係台上表演。」
有報道指Leon因避過被傳媒偷拍屋企，有意搬到更高的地方居住，Leon否認說：「晒氣，咁樣做係找自己笨，我無買屋，買了便會認，根本著家同高矮無關，主要係器材科枝的問題，有心影的話，高矮都一樣。」
|
放大圖片
