 放大圖片
■劉德華為軟硬做嘉賓。
【本報訊】軟硬天師上周六舉行第三場演唱會，當年軟硬合作的節目也是於星期六播出，二人憶起舊時，感觸良多。葛民輝(阿葛)早前於演員會上已頻頻甩嘴，當晚他的情況仍未有改善，跳舞又經常跟不到拍子，被拍檔林海峰(Jan)取笑他跳「影子舞」。
阿葛亦自嘲：「我一向都是合埋眼做人，跳舞都是這樣！」Jan即拿是非新聞開玩笑：「估唔到你唔止同我無交流，連同跳舞老師都冇！」令全場觀眾捧腹大笑。
繼黎明後，當晚軟硬邀請了另一天王劉德華做嘉賓，華仔甫出場即掀起演唱會高潮，令全場大為哄動。華仔先獨唱一首《我恨我痴心》，隨後便和軟硬即席演出一場「棟篤笑」。軟硬笑稱：「華仔有好多身份，請他做嘉賓就等於請了三個嘉賓，包括天王、中國書法家和『劉華會主席』。」
「天台」上重演《無間道》
華仔取笑軟硬的舞台設計十足十港台的天台，Jan則反笑他：「其實是似商台天台，不過你未去過𣜭！」
Jan又和華仔上演《無間道》在天台的一幕，令全場拍爛手掌。阿葛亦不甘示弱，以最近的新聞取笑華仔說：「近排有雜誌隊你，話你個鷹鼻冇以前咁鷹，我而家可以好近咁睇 係咪整啦，不過一睇就知無啦，個鼻仲係咁鷹。」
軟硬繼續唔收口，在台上爆華仔明年7月會開演唱會，即時引起全場哄動，但華仔卻說：「我剛剛收到政府拒絕通知了，因為7月政府有好多活動，要8月15日後才有場！不過如果7月有其他人開個唱，我一定會場場來做嘉賓，感受一下。大家記得唔好睇7月既演唱會，留番搵錢睇我！」
軟硬又發揮填詞才華，將華仔的《獨自去偷歡》改歌詞，改成「獨自去偷歡，劉華愛碌齡，劉華讀書醒，劉華無得頂，寫大字最精，劉華無得頂，個鼻邊個整。」十分惹笑。
|
放大圖片
