 放大圖片
■拿嘉賓上台戲謔，是「軟硬」演唱會的特點，前晚輪到李克勤上台。
【本報訊】《軟硬天師Long Time No See》演唱會前晚請來李克勤擔任嘉賓，在Talk Show環節Jan更諷刺天文台職員買了很多軟硬演唱會飛，所以才不掛八號風球。
以一曲《紅日》出場的克勤搶先出招，指今天到場是為報恩，指阿葛在十多年前做的《就是情歌》唱片，將他拍到像死屍一樣，而且在旁還有水氹，到唱片出後事業亦即變一潭死水。克勤又謂一向自認是舞壇奇葩，但看到阿葛的「影子舞」後才感到他與譚詠麟後繼有人，引來全場大笑。
輪到軟硬出「口」時，Jan先問克勤何解到了06年仍未娶盧淑怡，阿葛就問結婚過程會否由無線直播，Jan說：「唔好啦，萬子（萬梓良）果次都係，你知後尾搞成點啦，不如諗下Cable，不過要講國語。」又續說：「但你係咪對某一類人敏感？即係姓林�豎砥A好似林尚義、林敏驄、林文龍咁，係咪會唔請我？」此時克勤不斷大笑掩窘態，後說：「我一定請你，你最緊要設計好多Tee、帽拎去場外賣！」
Jan再問他日娶妻會否找梁榮忠做司機接新娘，此言一出即全場大笑，克勤先面色一沉反問有何意思？後說：「其實佢冇震好耐，已經改過自新。」阿葛卻說：「佢裝咗避震！」後來Jan指克勤不懂結婚要幫他「預演」。Jan問了兩次克勤會否願意娶盧淑怡（即阿葛）為妻，克勤只點頭不語，Jan惟有下令停音樂問原因？克勤說：「我響小鳳姐演唱會上都搞過，結果搞到而家都結唔到，所以唔好搞咁多野啦。」
|
放大圖片
