 放大圖片
■何韻詩搵銀噱頭多，今次趁演唱會除售賣紀念品，還將推出相集。
【本報訊】（記者 李思穎）何韻詩演唱會將於十月二十六日舉行，屆時場館外會售賣有關阿詩的紀念品，其中最特別是她入行以來從未曝過光的珍貴相片，會輯成相集推出，這陣子阿詩便為揀選圖片一事張羅，亦發覺收藏的私人相片當中，緋聞男友劉浩龍竟然佔得最多，笑言怕對方會驕傲。
「我發覺做歌手搵唔到錢，同時吸收上次做舞台劇經驗，所以今次會出售紀念品，以求賺點奶粉錢，我仲未戒奶，到時會將各方好友未曝過光的照片輯成相集，最近便不停在屋企揀相，發覺同我影得最多竟然是劉浩龍，他佔有一半相，講出來驚佢會驕傲，有些相古靈精怪，我無徵求佢既同意，唔理咁多野，總之肖像權効我度，哈哈！當中不乏與梅姐的難忘照片。」
有張相是阿詩拍首張大碟封套時影下來的，她說：「當時著住比堅尼，外披大褸，加上Penthouse的甫士，登出這張相的話，恐怕要收寫真集價錢，自己覺得有點意識不良，依家考慮會唔會拿出來，我唔係介意畀人睇到，最介意係建立出來的事業形象會毀於一旦，所以要為飯碗著想。」
最近阿詩演唱會爬梯的海報被指抄襲意大利某本時裝雜誌，對此，阿詩笑言：「我係炒樓下裝修師傅，通常任何歌手出碟都話抄人，有眼、耳、口、鼻、衫、褲都會畀人話抄，我反而多謝人家拿來講，令我的海報可以登多次。」
|
放大圖片
