 放大圖片
■任達華和洪金寶、葉璇、洪天明等，昨天出席全新高爾夫球的產品發佈會，與高爾夫球模型合照。
【本報訊】（記者 許紹基）洪金寶、任達華、葉璇及洪天明等昨天上午在傾盆大雨之下出席一全新高爾夫球的產品發佈會，眾人除了走到台上和高爾夫球模型合照之外，更即席揮桿試打該品牌的高爾夫球。
航空公司竟無解釋
任達華從北京返港不久，他說今次的行程卻發生了不快的事：「我一上機就睡了，點知到落機時竟然係在貨運站，我完全唔知發生什麼事，航空公司之前又冇講過，我回來差不多一個星期了，不斷要求他們解釋，但都不得要領。我今次係畀足全費的，呢個都唔係最重要的問題，最重要係一聲交代都冇，真係好嬲。我下星期會再飛昆明，但今次一定不會再選同一間公司囉。」
他又說：「我都唔明點解香港人冇自己的航空公司，香港政府要正視下，連深圳都有自己的航空公司啦！」
洪金寶及洪天明昨天兩父子一起出席活動，洪天明向記者透露平時亦都會相約父親一起打高爾夫球，而打高爾夫球亦是兩人溝通的好機會。問洪天明其父親有無在打球時教他追女仔的絕招？洪天明即笑道：「冇啦，佢教的都係廿年前�膜@套，唔彻用的了！不過我知佢都好想抱孫，佢之前有講過下，不過呢個責任交畀細佬先啦！」
|
放大圖片
