 放大圖片
■陳志雲寶劍送知己？果然投得秋官開心。
【本報訊】(記者 許紹基)鄭少秋昨天應陳志雲的邀請，接受《志雲飯局》訪問，陳志雲送上一套刀劍給秋官，秋官開心地說：「好喜歡這份禮物，好特別！我一向拍開武俠劇，做開大俠，彻晒我！」秋官明年一月將再次為無線拍武俠劇，問到他之前可認識陳志雲，他道：「之前佢做DJ的時候就已識佢啦，佢一向都係好叻的！（怕不怕陳志雲會問一些尖銳的問題？）以前的事就唔好講囉，講感情就唔好。我自己冇所謂呀，但怕影響別人。老婆一早話了唔可以講感情事，如果唔係會罰跪地蕂，老婆梗係最大啦！」
提到肥姐之前接受《志雲飯局》訪問時講了很多關於他的東西，秋官輕鬆地說：「冇所謂啦，不過我都冇睇，太忙冇時間。」提到其女欣宜似乎有意加入娛樂圈一事，秋官對此表示支持，他笑道：「我在這行打滾咁多年，見到很多。想入就入囉，不過這行除了努力之外，更要運氣，唔係努力就一定成功，總之佢開心就得啦。」陳志雲表示一定會問秋官一生中最愛是誰及有否愛過肥姐等問題。難道不怕秋官會嬲呢？他笑道：「唔會！」
|
放大圖片
