許志安接受女友整容

放大圖片

　■許志安自言不介意女友整容。

　【本報訊】(記者　許紹基)許志安(安仔)昨天下午出席了「世貿中心『80年代潮藝復興』音樂會—復興實力唱功」活動，他在活動上送出了一張他個人首隻推出的黑膠唱片給大會展覽；安仔自爆許多朋友睇了這張舊的唱片封套都問他是否有整容。

　安仔應記者要求擺出在該隻唱片封套般的姿勢，他事後亦笑言不知當日是如何擺出那個姿勢的。他說：「其實睇番個唱片封套，好多朋友都問我是否有整容，他們話我而家對眼大了好多。其實如果係要整的話，我會選擇整個鼻，因我覺得自己個鼻太大喇！」

　安仔表示會明白及接受其他女歌手去整容，就算是女朋友要整容亦都沒有問題，他笑道：「如果佢覺得整了係令佢有信心的，我都冇所謂，但我自己就接受不了去整容。(那可否接受女友隆胸？)都會接受。(但那是假的喎！)都係我一個見到之嘛，而且整得好都……哈哈！」安仔表示沒有考慮過「觸感」會否有所不同，他更笑言「最多咪戴手套！」

　問他送出自己首隻黑膠唱片可有不捨得？安仔說道：「都唔會，有過就得，冇所謂。而且我相信舊公司都會再推出CD的，到時可聽返那些舊歌。」