|
【本報訊】（記者 李思穎）正值唱片宣傳期的謝霆鋒，因爆出結婚消息，連日來曝光率遞增，大收宣傳之效。過去霆鋒一貫慣例，不論是新戲或新碟推出，都會牽涉到拍拖緋聞的新聞，經常被指借此「博宣傳」，昨日霆鋒接受查小欣訪問時，聲稱自己才是最大受害者，這些新聞對其唱片銷量有影響，不過霆鋒亦主動提到舊愛王菲，這一來，不難又惹來「博宣傳」之嫌。
霆鋒表示新碟中將會翻唱自己作給其他歌手的歌，然後又主動說作給阿菲�蔬滿m迷魅記》就唔得。(驚柏芝唔鍾意？) 他說：「唔係，只係首歌的曲風好女性化，反而柏芝個首《吻著道歉》就可以中性化。」其後他再三強調公司為新碟出動不少人力物力，「依家是宣傳我隻碟，不是宣傳我的婚姻和私人生活，我的私人生活大家睇住大，已經好夠，不過好得意，每次都撞正。(令人覺得你借此做宣傳？）我想話畀大家聽這是宣傳的反效果，永遠蓋去我所有，會影響銷量更差，因為大家唔知我出碟，剩係知我結婚，可以講我是最大受害者。好似上張碟碰正前女友結婚，到《龍虎門》佢又大肚，又蓋咗我，每次都幾宿命。」
已有教育仔女大計
問霆鋒婚後是否膊頭擔子加重了？他說：「少少啦，依家要柏住『謝氏』、『英皇』、『張氏』、『中國星』四間公司，不過係件開心事。」霆鋒不准老婆拍親熱戲、暴露、性感，至於柏芝又有否同樣要求? 霆鋒表示佢話劇情需要都可以。霆鋒和柏芝都否認奉子成婚，不過兩人早有默契，有孩子的話可能會安排小朋友在外地生活，霆鋒甘願做太空人。(老婆逐漸淡出？) 「你問向太啦，到時要仔女學琴，體罰都要，我都係打大，亦將會是一個嚴父。(唔准佢抽煙？) 當然，我都戒緊，哈哈！講到好似已經有咗咁樣。(如果將來仔女結婚唔講畀你聽，你又點？）只要我係認識個女仔就OK，講真無東西係大得過愛，這是本人意見不代表其他家長。」
有傳徐濠縈爆料把霆鋒婚事張揚，對此，霆鋒謂：「我唔會信，無可能， 咁講阿徐我幾嬲，我同陳奕迅是好兄弟。」新婚的霆鋒，要主持人查小欣點唱《一擊即中》，霆鋒果然「恨」做老竇「恨」到流口水。
|
