鄭嘉穎周麗淇再做情侶

放大圖片

　■徐淑敏跟無線簽約五年，好開心可與偶像黃宗澤合作。

　【本報訊】（記者 許紹基）鄭嘉穎、周麗淇、黃宗澤、徐淑敏及唐詩詠等，昨為無線新劇《最美麗的第七天》試造型，其中緋聞男女周麗淇和鄭嘉穎再度合演情侶，而活動上他們更密密傾，毫無避忌。問周麗淇可擔心再與嘉穎傳緋聞？她輕鬆笑道：「傳�鬫n耐啦！唔理啦！」

談及他們上次合作的《天幕下的戀人》收視理想，今次同班底再合作可有壓力﹖她說：「上次我冇諗過有咁既效果，今次亦冇諗過。」而此劇十二月將到日本取景兩星期，更會用16比9鏡頭去拍攝，有較高的清晰度，故屆時要養足精神開工，否則就會很醜。問她與嘉穎可有親熱戲﹖她笑道：「愛情劇當然有，但不會太激。」

緋聞已沒有新鮮感

　周麗淇過去亦曾與鄭伊健傳緋聞，如今對方已有蒙嘉慧這個新女友，問她可覺甩難？周麗淇笑道：「我同佢（伊健）既緋聞由頭到尾都好無聊，而作為朋友，雖然一早已知道佢瓊既戀情，但都守口如瓶，希望第日佢都會幫我守口如瓶。」

　今次是嘉穎第三度與周麗淇合作，他相信大家不會再傳緋聞，因已沒有新鮮感。有指周麗淇的男友名單上只淨下嘉穎一人，因連伊健也「名草有主」，鄭嘉穎笑道：「恭喜伊健囉！不過呢樣野（感情事）唔可以人有我有，順其自然。」嘉穎今次飾演一個吊兒郎當、沒正當職業的不羈浪子，問到現實生活中，他可是這樣的人﹖他反問記者：「你瓊覺得呢﹖(你要求都幾高囉！)係呀！�雅T樂圈已經冇私隱，所以我唔會公開戀情，留番搵私隱畀自己。」

黃宗澤避談前女友

　黃宗澤的前女友甄穎珊透過選亞姐而加盟亞視，並於昨日向盧海鵬等前輩拜師學演技，跟他談及此事，黃宗澤只淡然道：「哦！(可知她入行﹖)已經好耐冇聯絡。(大家同在圈中發展，他日遇到怎麼辦？)遲搵先算。（可覺她有演戲潛質？）唔知喎，未見過佢做戲。(她當年是否已好想入行﹖)唔知喎！」由於黃宗澤反應冷淡似不想多講，有問是否想與對方劃清界線？他反問道：「點解要劃清界線﹖係咁多啦！」

　徐淑敏跟無線簽了五年合約，即有機會拍攝第一個劇集，並可與偶像黃宗澤合作，故感到十分開心。問到男友是否支持她入行﹖她未有正面回答，只道：「家人同朋友都支持我。（男友可會擔心此行太複雜？）我唔怕。(同屆港姐中你最快可以拍劇，可覺快人一步﹖)大家行既路都唔同，我都算幸運，所以會珍惜機會。」