 放大圖片
■鄭丹瑞指摘「偷拍事件」，嚴重影響病人。
【本報訊】（記者 許紹基）劇集《高朋滿座》的一班演員昨天出席了由醫管局舉辦的「全港度血壓大行動」活動，眾人更即場量度血壓，藉以鼓勵市民注意身體健康。
伍詠薇被傳和苑瓊丹不和一事，她說：「苑仔今日病了，佢仲同我話唔知人瓊會不會又話我們不和。我都唔知點解會傳我同佢不和。我自己第一日知道個報道時都覺得好震動，其實全行好多人都知我同苑仔真係好好朋友，係我圈中三個好朋友中其中一個！我諗作這篇報道的記者可能唔知我同苑仔係好朋友啦，希望查清楚才作野啦。」
伍詠薇透露遲些會和丈夫到歐洲旅行「充電」，她自言每次工作了數個月之後就一定要旅行休息。
注意個人行為
鄭丹瑞被問及有關電台DJ「I Love U Boyz」在簽唱會上模仿官恩娜被狂迷非禮一事，阿旦了解事件過程之後道：「這些應該留返畀電台管教，我唔清楚件事，不方便批評。其實任何玩笑都應該有個『位』，究竟佢係咩情況下扮呢件事呀？（係在自己唱片的簽唱會上。）咁可能唱片公司真係要同佢兩個傾傾，不是在電台節目上，咁就真係好關佢兩個自己事喇！佢兩個身份不只歌手，而且係DJ，咁多重身份真係要留意。」
女性都應保護
至於肥姐於深切治療部被偷拍一事，鄭丹瑞嚴肅地表示有關的採訪手法不可取，因記者實不應在深切治療部內騷擾病人，他說：「個深切治療部不單止肥姐，仲有其他病人。他們全都需要休息，如果唔好彩，肥姐或其他病人有乜事，咁點先？邊個負責？」
陳敏之對官恩娜被狂迷非禮一事亦感同身受，因她自己之前亦遇過一名瘋狂的支持者；對於「I Love U Boyz」在簽唱會上拿官恩娜被非禮一事，陳敏之直言：「咁做唔係幾好！其實唔只公眾人物，所有女性都應受保護！」
|
放大圖片
