 放大圖片
■劉德華接受查小欣訪問，今次談到做伴郎。
【本報訊】（記者 李思穎）劉德華昨日接受查小欣的錄音訪問，被問到李克勤的婚期，華仔笑言：「我記得佢將會結婚，由我當伴郎，但是沒有通知是哪一天，我叫佢話我聽，我劉德華係一個巨星，忙起上來便去不到。」當克勤的伴郎會否擔心被姐妹團刁難索取開門利是？華仔輕鬆地道：「唔驚，應該唔會玩得太離譜，唔係話我靚仔就得，係有錢就得，況且那些錢是克勤的。（係咪克勤畀唔夠，就由你畀？）咁又唔得，克勤大把錢喇，哈哈。」今年娛樂圈喜事重重，華仔有結婚計劃嗎？他笑說：「又是這些問題，點都問下撞一次，睇我會唔會漏口風，哈哈，總之我會替他們開心，我都希望他們替我開心，我會努力既。（有否計劃？）沒有什麼計劃，好長遠蕂，譬如我要做電影，這個是幾十年的戰士，我要結婚等同於我要電影。(豈非要等幾十年？）我唔知，不過電影都有明日就成功喇。」
競投車牌不值得
運輸署快將推出一批自訂車牌中，ANDY LAU亦榜上有名，華仔不打算競投，也不希望一個車牌要動用十幾廿萬、或者上百萬去競投回來，如果大家不去爭，只不過是五千元一個車牌，其餘的99萬多便可以捐去慈善基金，並不是用五千元投回來就不威水。華仔認為幾萬元去買一個車牌可以接受，自己都試過用一萬幾千去買車牌，如果動用五萬元以上買車牌，他以毛筆寫個車牌都得啦，最多畀人捉到罰五千元。
|
放大圖片
